Here, comes the top 5 news for today!
പ്രശസ്ത സിനിമാ താരം കല്‍പ്പന അന്തരിച്ചു. ഹൈദരാബാദില്‍ വച്ചായിരുന്നു അന്ത്യം.
ഹൃദയാഘാതമാണ്മ രണകാരണം. തെലുങ്ക്-തമിഴ് സിനിമയുടെ ചിത്രീകരണവുമായി ബന്ധപ്പെട്ട് ഹൈദരാബാദിലെ ഹോട്ടലില്‍ തങ്ങിയിരുന്ന കല്‍പ്പനയെ രാവിലെ ഹോട്ടല്‍ ജീവനക്കാരനാണ് അബോധാവസ്ഥയില്‍ കണ്ടെത്തിയത്. തുടര്‍ന്ന് ഹൈദരാബാദിലെ അപ്പോളോ ആശുപത്രയിലേക്കു കൊണ്ടുപോയി. എന്നാല്‍, ഹോട്ടലില്‍വച്ചുതന്നെ മരണം സംഭവിച്ചെന്ന് ആശുപത്രി അധികൃതര്‍.
ലണ്ടന്‍: പത്താന്‍കോട്ട് ഭീകരാക്രമണത്തില്‍ പാക്ക് ഭീകരസംഘടനകള്‍ക്കുള്ള പങ്ക് വ്യക്തമാക്കുന്ന കൂടുതല്‍ തെളിവുകള്‍ ഇന്ത്യ കൈമാറിയതായി പാക്കിസ്ഥാന്‍ പ്രധാനമന്ത്രി നവാസ് ഷരീഫ്. കുറ്റക്കാരെ കണ്ടെത്തി ശിക്ഷിക്കാന്‍ ഇന്ത്യ കൈമാറിയ പുതിയ തെളിവുകള്‍ പ്രത്യേക അന്വേഷണ സംഘത്തിന് കൈമാറുമെന്നും ഷരീഫ് കൂട്ടിച്ചേര്‍ത്തു.
തിരുവനന്തപുരം: മുഖ്യന്ത്രിയുടെ ഓഫിസില്‍വച്ചു സരിതയുമായി കൂടിക്കാഴ്ച നടത്തിയിട്ടില്ലെന്ന് മുഖ്യമന്ത്രി ഉമ്മന്‍ചാണ്ടി സോളാര്‍ കമ്മിഷനില്‍ മൊഴി നല്‍കി. മുഖ്യമന്ത്രിയുടെ ഓഫീസില്‍ രണ്ടുതവണയെത്തി നിവേദനം നല്‍കിയെന്ന് വാര്‍ത്തകളെക്കുറിച്ചുള്ള ചോദ്യത്തിനു മറുപടിയായിട്ടായിരുന്നു മുഖ്യമന്ത്രിയുടെ പ്രതികരണം. സരിതയോ, ടീം സോളാറോ പറയുന്നതുപോലെ 2012 ജൂലൈ ഒമ്പതിന് തനിക്ക് രണ്ടുലക്ഷം രൂപയുടെ ചെക്ക് ലഭിച്ചിട്ടില്ല. അങ്ങനെയൊരു ലെറ്റര്‍പാട് താന്‍ നല്‍കിയിട്ടില്ല. ഇതു വ്യാജമാണ്.
കൊച്ചി: സരിതയുടെ വിവാദക്കത്ത് ഹാജരാക്കണമെന്ന സോളാര്‍ കമ്മിഷനുത്തരവ് ഹൈക്കോടതി സ്‌റ്റേ ചെയ്തു. രണ്ടാഴ്ചത്തേക്കാണ് സ്‌റ്റേ അനുവദിച്ചിരിക്കുന്നത്. ജസ്റ്റിസ് മുഹമ്മദ് മുഷ്താഖാണ് ഹര്‍ജി പരിഗണിച്ചത്. ഈ മാസം 27, 28 തീയതികളില്‍ കമ്മിഷന് മുമ്പാകെ ഹാജരാകണമെന്നും കത്ത് നിര്‍ബന്ധമായി ഹാരജാരാക്കണമെന്നും സോളാര്‍ തട്ടിപ്പ് അന്വേഷിക്കുന്ന ജസ്റ്റിസ് ജി. ശിവരാജന്‍ നിര്‍ദേശിച്ചിരുന്നു.
ന്യൂഡല്‍ഹി: ടെന്നീസ് താരം സാനിയ മിര്‍സ, ബാഡ്മിന്റണ്‍ താരം സൈന നെഹ്‌വാള്‍ മുന്‍ സിഎജി വിനോദ് റായ് എന്നിവര്‍ക്ക് പത്മഭൂഷണ്‍ പുരസ്‌കാരം. അമ്പെയ്ത്തുതാരം ദീപിക കുമാരിക്ക് പത്മശ്രീ ലഭിച്ചു. സാനിയയെ അര്‍ജുന അവാര്‍ഡും ഖേല്‍രത്‌ന പുരസ്‌കാരവും നല്‍കി രാജ്യം നേരത്തേ ആദരിച്ചിരുന്നു. അമ്പെയ്ത്തിലെ ലോക റാങ്കിങ്ങില്‍ നിലവിലെ രണ്ടാം റാങ്കുകാരിയും മുമ്പ് ഒന്നാം റാങ്കുകാരായുമായിരുന്ന താരമാണ് ദീപിക കുമാരി. രാജ്യം അര്‍ജുന അവാര്‍ഡ് നല്‍കി ആദരിച്ചിട്ടുണ്ട്.
0 അഭിപ്രായ(ങ്ങള്‍):
ഒരു അഭിപ്രായം പോസ്റ്റ് ചെയ്യൂ